Wednesday 25 November 2015

நூ(ஊ)று ரூபாய் நோட்டு…!!!






தீபாவளி 2015 ஒட்டி ஊற்று வலையுலக எழுத்தாளர் மன்றத்தினால் நடத்தப்பட்ட உலகளாவிய படத்துக்கான கவிதைப்போட்டியில் இரண்டாம் பரிசு கிடைத்துள்ளது.
பரிசு அறிவிற்பிற்கான இணைப்பு இதோ!


நூ()று ரூபாய் நோட்டு…!!!
மொழிகளின் பேதம் எதுவுமில்லை;
இல்லாத நாடுகள் எங்குமில்லை!
வார்த்தைக்கு இங்கு மதிப்பில்லை;
எண்ணம்மட்டும் மதிக்கப்பெறும்!
வியர்வையின் ஈரம் பார்த்ததுண்டு;
ரத்தத்தின் கோரம் சுவைத்ததுண்டு!
இதயங்களின் அருகில் இடமுண்டு;
()வனையும் ()மாற்ற திறமுண்டு!
எட்டாத உயரமென யாதுமில்லை;
இதனை விரும்பாது எவருமில்லை!
குழந்தையும் வீசும் குப்பைத்தொட்டி-
இதுவரை காண வாய்க்கவில்லை!
பிணமும் வாய் திறக்கச்செய்யும்-
பணம் - பத்தும்கூட செய்துவிடும்;
இப்பணம் - ‘நூ()றும் செய்யக்கூடும்!
 எம்.ஜி.ஆர்.
(வாய்ப்பளித்த ஊற்று வலையுலக எழுத்தாளர் மன்றத்திற்கும், பரிசுக்குத் தெரிவு செய்த நடுவர்களுக்கும் நன்றி)

Tuesday 24 November 2015

மி(ஒ)ளிர்வு…!!!






என் செல்ல மகளின்
புன்னகை மிளிரும்…
கண்ணுறும் சுடரும்-
பொன்னென ளிரும்
ரவிஜி---
(புகைப்படம் நன்றி – வெங்கட் குட்வா)
கார்த்திகை தீபத் திருநாள்

நல்வாழ்த்துகள்



Friday 2 October 2015

சுத்தமான சுற்று(ம்) சூ(சு)ழல் வாழ்க்கை!

சுத்தமான சுற்று(ம்) சூ(சு)ழல் வாழ்க்கை!
முன்னுரை:-
“சுத்தம் சோறு போடும்” என்பது பழமொழி! சுத்தமாயில்லாத மனிதனின் அருகில் எவரும் நெருங்குவதில்லை அவனை நெருங்கவிடுவதுமில்லை! சுத்தமற்ற இடமென்றால் மனிதர்கள் எவருமே அங்கே செல்லவே விரும்புவதில்லை. ஒரு இடத்தை நீங்கள் சுத்தம் செய்து வைத்தால் அது எவ்வளவு நேரம் சுத்தமாக இருக்கும்? சர்சைக்குரிய கேள்வி! அது அங்கே வசிக்கும் மனிதர்களின் மனத்தையும் குணத்தையும் பொறுத்தது! ஆனால் ஒவ்வொருவருக்கும் இந்த விழிப்புணர்வு ஏற்பட்டுவிட்டால் சுற்றுச் சூழல் முற்றுமாகப் பாதுகாக்கப்படும் அல்லவா! எனவேதான் இந்த தலைப்பே அவசியமான ஒன்றாகிவிடுகிறது!

குப்பைக்கு முறையான ‘குட்’பை!
உலகென்றால் உண்டு பல நாடுகள்! நாடுகள் ஒவ்வொன்றிலும் உண்டு பல வீடுகள்! ஒவ்வொரு வீட்டிலும் உண்டு மனிதர்கள்! அவரவர் தேவைகள் தீர தினமும் சேர்ந்திடும் குப்பைகள்! அவற்றை முறையாக அப்புறப்படுத்துகிறோமா? நம் வீட்டிலேயே இரண்டு குப்பைத்தொட்டிகள் தேவை! ஒன்று காய்கறி, பழத்தோல்கள், வாடிய பூக்கள் முதலான மக்கும் குப்பைகளுக்கு. மற்றது மக்காத குப்பைகளுக்கு. மக்கும் குப்பைகளை ஒரு குழிதோண்டி அதில் தினமும் போடுவைத்திருப்பதன் மூலம் இயற்கை உரம் உருவாகும்! முட்டை ஓடுகளை ரோஜாப்பதியனுக்கு உரமாக இடலாம்! மக்காத குப்பைகளை மட்டும்  சாலை ஒரத்துக் குப்பைத்தொட்டியிலோ அல்லது காலை நேரத்தில் தெருவிற்கு வரும் குப்பை வண்டியிலோ சேர்த்துவிடலாம். அதேபோல அவரவரும் தத்தம் வீட்டுக்கு அருகினில் ஓடும் சாக்கடைகளில் நீர் தெங்காமல் சுத்தமாகப் பராமரிப்பதோடு குப்பைகளை தெருவில் வீசி எறியாமல் இருந்தாலே தெருவின் சுத்தம் குறித்த விழிப்புணர்வினை நோக்கி முதல் அடி எடுத்துவைக்கிறோம் என்று பொருள்.
பாலிதீனை ஆக்குவோம் ‘காலி’தீன்!
வலைப்பூவில் இந்த கட்டுரையை வாசித்துக்கொண்டிருக்கும் நீங்கள் நிலக்கடலை அல்லது பட்டாணியை கொறித்துக் கொண்டிருக்கலாம்! அதனை சுமந்திருப்பது காகிதக் கூம்பு என்றால் உங்களுக்கு ஒரு சபாஷ்! பிளாஸ்டிக் கவர் என்றால் நீங்கள் விழித்துக்கொள்ள வேண்டும்! மளிகைப்பொருட்கள், காய்கறிகள், உணவகங்களில் சாம்பார், ரசம், சட்னி, பொறியல் என்று எதனைக் கட்டித்தரவும் பிளாஸ்டிக் பைகளே பயன்படுத்தப்படுகின்றன! அதுவும் மிகவும் மெலிதான எளிதில் மக்காத தன்மை கொண்டவையாக உள்ளதுதான் கொடுமை!அவ்வளவு ஏன்? குளிர் பானங்கள், குடிநீர் இவற்றைக்கூட பிளாஸ்டிக் கவர்களிலும், பிளாஸ்டிக் பாட்டில்களிலும்தானே அடைக்கப்படுகின்றன? இவை நமது உடலின் உள்ளுறுப்புகளுக்கு ஊறுவிளைவிப்பதோடு சுற்றுச்சூழலையும் குட்டிச்சுவராக்குவதில் பெரும்பங்கு வகிக்கின்றன என்றால் அது மிகையில்லை! ஒரு முக்கிய நகரின் பிரதானமான பகுதியில் ஒரு மழைக்காலத்தில் சாலையெங்கும் முழங்காலுக்கும் மேலாக தண்ணீர் தேங்கி சாலைப்போக்குவரத்திற்கு பேரிடைஞ்சலாக அமைந்தது! தண்ணீர் வடிந்ததும் பார்த்ததில் வடிகாலின் பெரும்பகுதியை அடைத்திருந்தது பிளாஸ்டிக் பாட்டில்களும், பாலிதீன் கவர்களுமே! நாம் என்ன செய்யலாம்? கடைத்தெருவிற்குக் கிளம்பும்போதெல்லாம் தவறாது ஒரு சணல்பையை அல்லது துணிப்பையை எடுத்துச் செல்வது அவசியம்! பாலிதீன் கவர்களை தவிர்க்கலாம்! தவிர்க்க இயலாமல் வாங்கிக்கொள்ளும் பைகளை மடித்து வைத்திருந்து கடைகாரரிடமே திருப்பித் தந்துவிடலாம்! பாலிதீன் பைகளை வாங்குவதை இதன் மூலம் மிகவும் குறைக்கலாம்! கேரளா முதலான இந்தியாவின் சில மாநிலங்களிலேயே பாலிதீன் கவர்கள் தடை செய்யப்பட்டிருப்பதோடு மக்களும் விழிப்புணர்வோடு அதன் பயன்பாட்டினைத்  தவிர்த்துவருவது மிகவும் பாராட்டத்தக்கது! நாமும் பின்பற்றத் தக்கது! முயற்சிப்போம்! நாமும் செய்வோம்!
 மனதை மருட்டும் மருத்துவக் கழிவுகள்!
சுத்தம் மற்றும் சுகாதாரக்குறைபாடுகளாலேயே பல நோய்கள் மனிதர்களுக்கு ஏற்படுகின்றன! அந்த சூழலில் மருத்துவமனைகள் அவசியமாகிவிடுகின்றன. மருத்துவம் பார்ப்பதால் ஏற்படும் மருத்துவக்கழிவுகளான பயன்படுத்தப்பட்ட ஊசிகள், கட்டு பிரிக்கப்பட்ட துணிகள், கையுறைகள், அறுவை சிகிச்சையால் ஏற்படும் மற்ற கழிவுகள் முதலானவற்றை முறைப்படி அப்புறப்படுத்தவேண்டும்.  மற்ற குப்பைகளுடன் அவற்றை கலத்தல் கூடாது.  பல நல்ல மருத்துவமனைகள் அரசாங்கத்தின் சட்டம் மற்றும் வழிகாட்டுதல்படி இதில் நடவடிக்கை எடுக்கின்றன. மற்ற மருத்துவமனை உரிமையாளர்கள் அதனை கடைபிடிக்க அறிவுறுத்த வேண்டும்.
 புகை நமக்குப் பகை!
புகை பல ரூபங்களிலும் பகையாகவே இருக்கிறது! முதலாவதாக சிகரெட் புகை. சிகரெட் புகை புகைபிடிப்பவர்களைவிட அதனை சுவாசிக்க நேரும் மனிதர்களுக்கே அதிகம் பாதிப்பு ஏற்படுத்துகிறது. எனவேதான் பொது இடங்களில் புகை பிடிப்பதனை அரசாங்கம் தடை செய்துள்ளது. உடல் நலன் கருதியும், சுற்றுச்சூழல் கருதியும் புகைபிடித்தலை ஒட்டு மொத்தமாகவோ, படிப்படியாகவோ நிறுத்திவிடவேண்டும் அல்லது பொதுஇடங்களில் புகைப்பதையாவது தவிர்க்கவேண்டும். அடுத்ததாக வாகனப்புகை! நம்மில் வாகனங்கள் பயன்படுத்தாதவர்கள் எவருமே இல்லை எனலாம்! சில சிறுசிறு விஷயங்களில் கவனம் செலுத்தினாலே வாகனப்புகையால் ஏற்படும் பாதிப்பினை தவிர்க்கலாம். வாகனங்களில் ஆயில் மாற்றுதலை சரியான கால இடைவேளையில் மேற்கொள்ளவேண்டும். சிக்னல்களில் வாகனங்களின் இஞ்சின் இயக்கத்தை நிறுத்துவதன் மூலம் புகையை கட்டுப்படுத்தலாம்.  தொழிற்பேட்டைகளில்  சரியான புகைபொக்கிகள் அமைத்தல், மரங்கள் வளர்த்தல், மற்றும் அரசின் வழிகாட்டுதல்களைப் கடைபிடிப்பதன்மூலம் பாதிப்புகளைக்குறைக்கலாம்! எல்லாவற்றுக்கும் மேலாக நாம் பயன்படுத்தும் வாசனை திரவியங்கள் ஓசோன் படலத்தில் ஓட்டைபோடாதவையாக இருக்கவேண்டும். நாம் பயன்படுத்தும் குளிர்சாதனங்களில் நிரப்பப்படும் வாயுவும் அனுமதிக்கப்பட்டதாக ஓசோன் படல ஓட்டையை தவிர்ப்பதாக இருக்கவேண்டும்! பகையான புகையை நாம் கட்டுக்குள் வைப்போம்!
 சத்தம் இல்லாத உலகம் செய்வோம்!
ஒலியில்லாத உலகம் ஊமையாகிப்போகும்! ஆனால் சந்தம் இல்லாத சத்தம்? பேருந்து, லாரிகள் எழுப்பும் அளவுக்கு அதிகமான ஹார்ன் சத்தம் குறைக்கப்படவேண்டும்.
தீபாவளி போன்ற பண்டிகைகளின்போது கூட குறைவான சத்தம் எழுப்பும் பட்டாசுகளை பயன்படுத்தலாம்! அதுவும் மாலை மற்றும் முன்னிரவு வேளையில் மட்டும் அரசு அனுமதிக்கும் கால இடைவெளிக்குள் மட்டும்!  திருமணம், காதுகுத்து, கோயில் திருவிழா, என்றபெயரில் மிகவும்
அதிகமாக ஒலியெழுப்பும் ஒலிபெருக்கிகள் நம் காதுகளைப்பதம் பார்த்துவிடுகின்றன! இதய நோயாளிகளுக்கு இதனால் ஏற்படும் இன்னலோ – சொல்லவே வேண்டாம்! இதுபோதாதென்று வெடிகள் வாணவேடிக்கைகள் வேறு! இவை ஏழை மற்றும் நடுத்தர மக்களின் பட்ஜெட்டை பதம் பார்ப்பதோடு, அவை எழுப்பும் அளவிற்கு அதிகமான சத்தமும் புகையும் சுற்றுச் சூழலை முற்றிலுமாக பாதிப்பதை மறுப்பதற்கில்லை! இதைவிடக் கொடுமை இந்த வேட்டுச்சத்தம் இறுதி ஊர்வலங்களில் தவிர்க்கமுடியாமல் இருப்பதுதான்! இறந்தவர் இருக்கும்வரை மூன்றுவேளை சோறாவது குறையில்லாமல் கிடைத்ததா என்ற கேள்விக்கு பெரும்பாலும் பதில் இருப்பதில்லை! முதல்கட்டமாக சத்தத்தைக் குறைபோம். பின்னர் முடிந்தவரை அவற்றைத் தவிர்ப்போம்!
 புவிக்கு வேண்டாம் அரிதாரம்!
இயற்கை அழகுக்கு ஈடு இணையில்லை. இது மனிதர்களோடு புவிக்கும் பொருந்தும்.  சாயப்பட்டறைக் கழிவுகள் பல இடங்களில் சரியானபடி வெளியேற்றப்படுகின்றதா, அப்புறப்படுத்தப்படுகிறதா என்றால் இல்லை என்றுதான் சொல்லவேண்டும். இதனால் மக்களுக்கு தோல் நோய்கள், மற்றம் பல பாதிப்புகள் ஏற்படுவதோடு இது மனிதனின் வாழ்வாதாரமான நிலத்தடி நீரினையும் பாதித்துவிடுவதுதான் கொடுமை. இத்தோடு வினாயகர் சதுர்த்தி கொண்டாடும்- பொழுது வாங்கப்படும் ஆடம்பர வண்ண சிலைகள் நீர் நிலைகளில் கரைக்கப்படும்போதும் இதேபோன்ற நீராதார பாதிப்புகளை ஓரளவிற்கேனும் ஏற்படுத்துகிறது. ஆனால் சுத்தகளிமண்ணால் செய்யப்படும் சிலைகளால் இத்தகைய பாதிப்புகள் ஏற்படுவதில்லை! இதனை நாம் கருத்தில் கொள்வது நம் அனைவருக்கும் நலம் பயக்கும். எனவே அத்தகைய செயற்கை வண்ணங்களால் பூமிக்கு வேண்டாம் ஒரு அரிதாரம்.
 காடுகளின்றி வீடுகளில்லை!
காடு விலங்குகள் வாழும் நாடு! நாடு மனிதர்கள் வசிக்கும் காடு! சமீபகாலமாக காடுகள் அழிப்பு துவங்கியிருப்பது கவலை அளிக்கும் விஷயம்தான்! சந்தன மரம், செம்மரம் இவை பணத்துக்காக அழிக்கப்பட்டுவருகின்றன. மரங்கள் மனித இனத்திற்கு மழைதரும் வரங்கள்! மரங்களின்றி மழையில்லை! மனிதர்கள் வாழும் இடங்களில் ஓரளவிற்குமேல் மரங்களை வளர்க்க இயலாது! எனவேதான் காடுகளை பாதுகாப்பது மிகமிக முக்கியமான ஒன்றாகிறது! நீரின்றி அமையாது இவ்வுலகு! எனவே மழையில் கிடைக்கும் நீரையாவது சேமிக்கும் வழிமுறைகளை முறையாகக் கடைபிடிப்போம். விலங்குகளின் நடமாட்டப்பாதையில் மனிதனின் ஆக்கிரமிப்பு துவங்கினால் அவை மனிதர்கள் வாழும் இடங்களைக் கடந்து செல்ல நேரிடுகிறது! அருந்த நீரில்லாத சமயங்களில் மனிதர்கள் வசிக்கும் இடங்களுக்கு காட்டு மிருகங்கள் வரநேரிடுகிறது! எனவே காடுகளை காப்பதும் மனித இனத்திற்கு அவசியமான ஒன்றாகும்!
 ‘சுத்தமான பாரதம்’!
நம் பாரதப் பிரதமர் அறிவித்திருக்கும் ஸ்வச் பாரத் ஒரு மிக நல்ல திட்டம் என்றே சொல்லவேண்டும்! இந்த தலைப்பிற்கு மிகவும் பொருத்தமான திட்டம்! அரசியலுக்கு அப்பாற்பட்டு மனித இனத்தின்பால் அக்கறை உள்ள அனைவரும் அதற்கான பங்கினை, செலுத்தலாம். நம் நாட்டிற்கான கடமையை, வீட்டிற்கான கடமையை நிறைவேற்றலாம். நம் வீட்டையும், அலுவலகத்தையும், நாட்டையும் தூய்மைப் படுத்தலாம், சுத்தமாக வைத்திருக்கலாம்!  திறந்தவெளிகளை கழிவறைகளாகப் பயன்படுத்தும் மனிதர்களுக்கு கழிவறைகளை கட்டித்தர அரசாங்கத்தோடு இணைந்து பண வசதி கொண்டவர்கள், சமூக ஆர்வலர்கள், தன்னார்வத் தொண்டு நிறுவனங்கள் நடவடிக்கை எடுக்கவேண்டும்! பல இடங்களில் சமூக வலை தளங்கள் இதற்குப் பயன்படுவதும் பாராட்டுக்குரியது!
 முடிவுரை!
ஒவ்வொருவரும் தன் வீட்டின் வாசலை சுத்தம் செய்தால், தெரு தானாகவே சுத்தமாகிவிடும்” என்று ஒரு அரேபியப் பழமொழி. சுற்றுச் சூழல் என்பது வெற்றுச் சூழல் அல்ல. மக்களின் மீதும் நம் நாட்டின் மீதும் வேண்டும் பற்றுச் சூழல். நம்முடைய முன்னோர்கள் நமக்கு விட்டுச் சென்ற உன்னதமான வாழ்க்கை அமைப்பை அதற்கான சுற்றுப்புறச் சூழலை நமது அடுத்த தலைமுறையினருக்கு, சந்ததியினருக்கு கொடுத்துச் செல்வது நமது தலையாய கடமைகளில் ஒன்றாகும். அதற்குத் தேவை மக்களிடையே விழிப்புணர்வு. அரசியலுக்கு அப்பாற்பட்ட மாமனிதராம் காந்தி பிறந்த இந்த நன்னாளில், கர்மவீரர் என்று புகழப்பட்ட காமராஜர் அவர்கள் தம் வாழ்வை நிறைவு செய்த இந்நாளில், மனித இனத்திற்கு சுற்றுச் சூழல் பாதுகாப்பு குறித்த விழிப்புணர்வினை ஏற்படுத்த எனக்கு கிடைத்த பொன்னான ஒரு வாய்ப்புதான் இந்த கட்டுரை! இதில் தொகுத்தளிக்கப்பட்ட செய்திகள் ஒரே ஒருவருக்காவது,  உணர்வுப்பூர்வமாக ஒரே ஒரு விஷயத்தையாவது கடைபிடிக்க விழிப்புணர்வினை ஏற்படுத்துமானால் அதுவே இந்த வாய்ப்பிற்குக் கிடைத்த பெரும் வெற்றியாகக் கொள்ளலாம்!
வாருங்கள் நாம் அனைவரும் சேர்ந்து துவங்கலாம்!
நன்றி! வணக்கம்!!
ஜெய் ஹிந்த்!!!
 அன்புடன் ரவிஜி--- 
(தேசப்பிதா காந்தி அவர்களின் பிறந்த தினமும்,  பெருந்தலைவர் காமராஜர் அவர்களின் நி(றை)னைவு தினமுமான அன்று வலைப்பதிவர் சந்திப்பு 2015 ஒட்டிய போட்டிக்கான இந்த கட்டுரையை பிரத்தியேகமாக எழுதி வெளியிடுவதில் பேருவகை கொள்கிறேன்)
(புகைப்படங்கள் : நன்றி கூகிள்)

Wednesday 30 September 2015

‘செல்’லிட(க்கு)ப் பேசி!



‘செல்’லிட(க்கு)ப் பேசி!
கைக்கட்டும் கடிகாரம்
ஆடம்பரம் என்றானது;
கணக்கிடும் கால்குலேட்டர்
காலாவதியாகிப் போனது;
அதிகாலை அலார டைம்பீஸ்-
ஆதரவே தேவையில்லை;
அலங்காரப் பொருளாகி
அலமாரியில்  ரேடியோ;
வாக் மேன் என்பதோ-
வக்கற்றதாய் வீணானது;
தந்தி என்ற சேவையை-
கடந்த காலமாக்கியது;
தரைவழிப் பேசியையும்-
தரையிலே வீழ்த்தியது;
கணிணிகூட  மதிப்பிழந்து-
போட்டியிலே தேய்ந்தது;
எங்கெங்கும் உற்றதாய்-
எல்லாம் பெற்றதாய்,
செல்லும் இடமெல்லாம்-
செல்’லரித்த இடமாக்கி;
முகநூலில் மூழ்கிப்போய்
முகமற்று ‘செல்பி’ஷ் ஆன-
மட மனிதனைக் ‘கண்டு’
கைகொட்டிச் சிரிக்கிறது
‘ஸ்மார்ட்’ஆன கைப்பேசி!
ரவிஜி...
                        (புகைப்படங்கள்: நன்றி கூகிள்)
(வலைப் பதிவர் சந்திப்பு 2015 புதுக்கவிதைப்போட்டிக்கான கவிதை)



மண(ன)க்கோலம்…!



மண()க்கோலம்…!
தொங்கும் தோரண விளக்கோடு
வைத்த பெரும் பிளக்ஸ் போர்டு!
கைகூப்பி தலையாட்டி வரவேற்க
வார்த்தையில்லா ஓர் பொம்மை!
மின் விசிறியாய் சுற்றிச் சுழலும்
இயந்திரம் பன்னீர் தெளிக்கும்!
நாம் பேசுவது நமக்கே கேளாது-
உரக்கப் பாடும் ஆர்க்கெஸ்ட்ரா!
உபசரிக்க ஆளின்றி இலை நிறைய
‘கொட்டும்’ பலவகை பகட்டு உணவு!
வந்த அன்பளிப்பை பெயர் மாற்றி
வண்ண உறைமூடி எடுத்துவ()ரும்;
கைகுலுக்கிப் பிரிந்து செல்லும்-
காகிதப்பூ நே(வா)சமாய் இக்காலம்!
உற்றஅண்ணன் தங்கைகளோடு
தெருவடைத்து ஒரு பந்தலிட்டு
தோரணங்கள் பல தொங்கவிட்டு
சாதி மத பேதமின்றி ஒன்றாய்-
ஒரே உலை ஒன்றே சோறென
ஓரிடத்தே ஒன்றுகூடி உ()ழைத்து
பெற்ற மகளெனவே வரித்து
தொங்கும் மஞ்சள் கயிற்றோடு
துள்ளும் மாட்டு வண்டியிலே
மாப்பிள்ளையொடு அனுப்பிட்ட
அக்காலமே எ()ன்றும் பொற்காலம்!
                                                                       ரவிஜி---
                      (புகைப்படங்கள்: நன்றி கூகிள்)
(வலைப்பதிவர் சந்திப்பு 2015 நிமித்தமாக நடத்தப்படும் கவிதைப்போட்டிக்காக எழுதப்பட்டது)

Saturday 15 August 2015

சுதந்திரம்…!



சுதந்திரம்…!

'தாத்தா' கட்டிவைத்த வீடு!

வசிக்கும் எனக்கு புரியாது-

கட்டிட அவர் பட்ட பாடு!

எனினும் உண்டு ஈடுபாடு!

'வீடு'கள் பலவும் சேர்ந்தே

வசிக்கும் சொந்தம் நம்நாடு!



ரவிஜி---
(பட உதவி நன்றி கூகிள்)

Wednesday 29 July 2015

கலாமுக்கு ஒரு சலாம்!

 


பாரத ரத்னா டாக்டர் A.P.J. அப்துல் கலாம்
தோற்றம் : 15.10.1931
 மறைவு : 27.07.2015
கலாமுக்கு ஒரு சலாம்!
முதல்’ ஏதுமின்றி பிறந்த நிலை
முதல் குடிமகனாய் வளர்ந்த ‘தலை’!
மதங்களைக் கடந்தும் நீர் நின்றீர்
மக்கள் மனதை நிதம் வென்றீர்!
எளிமை என்னும் சொல்லுக்கே
அர்த்தம் தந்த ஓர் அடையாளம்!
விண் ராக்கெட் அனுப்பிய விஞ்ஞானி
பண் மாணவர் மனதில் மெய்ஞானி!
நீர் கனவு கண்டிட அழைத்திட்டீர்
பார் இளைஞர் உயர்ந்திட உழைத்திட்டீர்!
சோர்வுக்கும் சோர்வினை தந்துவிட்டு
இ(உ)றுதி நாளிலும் உம் உழைப்பு!
விண்ணில் பறந்திருக்கும் ராக்கெட்டு
கண்ணீர் உதிர்க்கும் இதைக் கேட்டு!
இந்தியத் தாய்க்கு இனிக்கும் மகன்
பூமியின் மடியில் பு(வி)தைக்கும் நாள்!
விதைகள் விதைப்பது யதார்த்தம்தான்
ஆல விருட்சம் விதைப்பது இங்கேதான்!
காலத்தை வென்றுவிட்ட கலாம் ஐயா
ஞாலத்தின் மனந்தொட்ட சலாம் ஐயா!
ரவிஜி---
(பட உதவி : நன்றி கூகிள்)





Monday 29 June 2015

பி(உ)ழைப்பு!



பி(உ)ழைப்பு!
பசியாம் பிணியில் இவர் வயிறு;
செருப்பு அ(றி)ணியா இவர் பாதம்!
பள்ளி சென்றிட வழியில்லை!
தோளில் புத்தகச் சுமையில்லை!
வண்ணம் பூசுதல் இவர் வேலை
எண்ணம் - உணவு மூவேளை!
குடும்பத்தின் பாரம் சுமப்பதனால்
வாழ்க்கைப் பாடம் இவரறிவார்;
உலகில் பிறந்த அனைவர்க்கும்
வாழ்க்கைப் பாதை ஒன்றாகும்
வாய்ப்பைத் தேடி நடந்திடவே
வாய்த்த திசைகள் வேறாகும்!
பிழைப்பை வென்றிட வழிதேடும்
உழைப்பே இவரை நிலைநிறுத்தும்!
ரவிஜி---
(புகைப்படம் – நன்றி கூகிள்)

Saturday 27 June 2015

திருவாளர்கள் ரூபன் மற்றும் யாழ்பாவாணன் அவர்கள் இணைந்து நடத்திய “உலகம் தழுவிய மாபெரும் கவிதைப் போட்டி 2015”ல் ஆறுதல் பரிசு



திருவாளர்கள் ரூபன் மற்றும் யாழ்பாவாணன் அவர்கள் இணைந்து நடத்திய “உலகம் தழுவிய மாபெரும் கவிதைப் போட்டி 2015”ல் ஆறுதல் பரிசு
       திருவாளர்கள் ரூபன் மற்றும் யாழ்பாவாணன் அவர்கள் இணைந்து நடத்திய “உலகம் தழுவிய மாபெரும் கவிதைப் போட்டி 2015”ல் எனக்கு ஆறுதல் பரிசு கிடைத்துள்ளது என்பதனை மிகவும் மகிழ்ச்சியுடன் தெரிவித்துக் கொள்கிறேன். அவர்கள் இருவருக்கும், மற்றும் எனது கவிதையை பரிசுக்கு தெரிவுசெய்த நடுவர்களுக்கும் எனது நெஞ்சார்ந்த நன்றிகள்! பரிசினை வென்றுள்ளவர்களுக்கும், கலந்துகொண்டோர்க்கும் எனது மனமார்ந்த பாராட்டுக்கள்!
பரிசு அறிவிற்பிற்கான இணைப்பு இதோ
பரிசிற்குத் தெரிவுசெய்யப்பட்ட எனது கவிதை கீழே!
இணையத் தமிழே இனி…
இருப்பிடம் அற்றுப்போய்
புலம் பெயர நேர்ந்தாலும்
தமிழினினம் ஒருங்கிணைய
வழியின்றிப் போனாலும்
உணர்வதனால் ஒன்றாகும்
ம()றத் தமிழர் நாமாவோம்!
இடமின்றிப் போனாலும்
தடமின்றிப் போய்விடுமோ?
தமிழன் என்று சொல்லி
தலை நிமிர்ந்து  நின்றிடவே,
உணர்வுகளை ஏந்தி வரும்
ஓ(போ)ர் களம் என்றாகும்-
இணையில்லா ‘இணைய’தளம்!
முத்தமிழும் ஒத்திசையும்
க(வெ)ட்டி வைத்த கரும்பெனவே
மட்டின்றி இனித்திருப்பாய்
தமிழ()னை இணைத்திருப்பாய்
ஈடு இணை இல்லாததாய்-
இணை(த)யத் தமிழே ‘இனி’…!
ரவிஜி @ மாயவரத்தான் எம்ஜிஆர்