பி(உ)ழைப்பு!
பசியாம் பிணியில் இவர் வயிறு;
செருப்பு அ(றி)ணியா
இவர் பாதம்!
பள்ளி சென்றிட வழியில்லை!
தோளில் புத்தகச் சுமையில்லை!
வண்ணம் பூசுதல் இவர் வேலை
எண்ணம் - உணவு மூவேளை!
குடும்பத்தின் பாரம் சுமப்பதனால்
வாழ்க்கைப் பாடம் இவரறிவார்;
உலகில் பிறந்த அனைவர்க்கும்
வாழ்க்கைப் பாதை ஒன்றாகும்
வாய்ப்பைத் தேடி நடந்திடவே
வாய்த்த திசைகள் வேறாகும்!
பிழைப்பை வென்றிட வழிதேடும்
உழைப்பே இவரை நிலைநிறுத்தும்!
ரவிஜி---
(புகைப்படம் – நன்றி கூகிள்)
//உலகில் பிறந்த அனைவர்க்கும்
ReplyDeleteவாழ்க்கைப் பாதை ஒன்றாகும்
வாய்ப்பைத் தேடி நடந்திடவே
வாய்த்த திசைகள் வேறாகும்!//
உழைப்பும் பிழைப்பும் பற்றிய ஆக்கம் அருமை. பாராட்டுகள்.
// எண்ணம் - உணவு மூவெளை! //
சரியா? ’மூவேளை’யாக இருக்குமோ ஒருவேளை ?
வாத்தியார் கூறியது சரிதான்! தட்டச்சுப்பிழை!! மிகவும் நன்றி வாத்தியாரே! உங்கள் எம்ஜிஆர்
Deleteவணக்கம்
ReplyDeleteஐயா
படமும் கவியும் சிறப்பு பகிர்வுக்கு நன்றி
-நன்றி-
-அன்புடன்-
-ரூபன்-
நன்றி ஐயா!
Deleteநன்றி....!!
ReplyDeleteகுடும்பத்தின் பாரம் சுமப்பதனால்
ReplyDeleteவாழ்க்கைப் பாடம் இவரறிவார்;//
நண்பரே! ஏட்டுக் கல்விதான் கிடைக்காது....ஆனால், இவர்கள் உழைப்பினால், வறுமையினால் வாழ்க்கைப்பாடத்தைப் பயின்றிடுவர் இல்லையோ ??!!
வரிகள் அருமை!
நன்றி நண்பரே!
Delete//வண்ணம் பூசுதல் இவர் வேலை
ReplyDeleteஎண்ணம் - உணவு மூவேளை!
குடும்பத்தின் பாரம் சுமப்பதனால்
வாழ்க்கைப் பாடம் இவரறிவார்;//
இரசித்தேன்! நன்றி!
நன்றி நண்பரே!
ReplyDelete